როგორ შევარჩიოთ ჭურჭლის სარეცხი მანქანა?

 თუ გადაწყვიტეთ ჭურჭლის სარეცხი მანქანის ყიდვა, ეს იმას ნიშნავს რომ თქვენ გექნებათ მეტი დრო ურთიერთობისთვის და თქვენი ჭურჭელი კი თვალისმომჭრელად იკაშკაშებს.  ყველაფერი რომ ასე იყოს საჭიროა, სწორად შევარჩიოთ მოდელი. თუ რაზე გავამახვილოთ ყურადღება, ამაში ალტექსის გუნდი დაგეხმარებათ. 

    არსებობს სამი ტიპის ჭურჭლის სარეცხი მანქანა:

1.ჩასაშენებელი.

2. სტაციონარული (ფიქსირებული).

3. პორტატული (მაგიდაზე დასადგმელი).

   ჩასაშენებელი მოდელი მთლიანად ჩაშენებულია გარნიტურში, წინა პანელზე მიმაგრებულია ფასადი. მართვის სენსორი მოთავსებულია კარის ბოლოს. მონტაჟის ასეთი ტიპი ყველაზე სასურველია, იმდენად რამდენადაც არ ირღვევა სამზარეულოს ერთიანი დიზაინი. თუ თქვენ გეგმავთ გარნიტურის მონტაჟს ნულიდან ეს მოდელი საუკეთესოა.

    სტაციონარული (ფიქსირებული)- ნაწილობრივ ჩაშენებული, ასეთი მანქანა შეგვიძლია ჩავაშენოთ გარნიტურში ნაწილობრივ, მისი სამზარეულოს ზედაპირის ქვეშ ჩასამონტაჟებლად საკმარისია მანქანას უბრალოდ მოხსნათ ზედა საფარი და დაურეგულიროთ  ფეხები ან დავდგათ ცალკე, იქ სადაც თქვენთვის კომფორტულია.

   პორტატული (მაგიდაზე დასადგამი)-თუ არ გაქვთ ადგილი დააყენოთ სრული ზომის ჭურჭლის სარეცხი მანქანა, ამ შემთხვევაში შეგიძლიათ აარჩიოთ პორტატული მოდელი, რომელიც დაახლოებით მიკროტალღური ღუმელის ზომისაა. ის უერთდება ონკანს და თავსდება სამზარეულოს ზედაპირზე. ასეთი მოდელის ტევადობა არის 4-6 კომპლექტი.

• ჭურჭლის სარეცხი მანქანის ტევადობა უმნიშვნელოვანესი კრიტერიუმია, ის გვიჩვენებს რა რაოდენობის ჭურჭლის კომპლექტის დარეცხვა შეუძლია ამა თუ იმ მოდელს ერთ ციკლზე.
• ერთი კომპლექტი მოიცავს: 1 ღრმა თეფში, 1 პატარა თეფში, 1 ფინჯანი ლამბაქით, 1 დანა-ჩანგალი. ეს სისტემა არ მოიცავს თასებს, სალათის თასებს, ქოთნებს, ტაფებს, თავსახურებს, დიდ ჭიქებს, საცხობ ფირფიტებს და სხვა.
• მიაქციეთ ყურადღება ელექტრო ენერგიისა და წყლის მოხმარებას.
• ნებისმიერი ჭურჭლის სარეცხი მანქანა წყალს ძალიან ეკონომიურად მოიხმარს, თუ იმავე მოცულობის ჭურჭელს ხელით რეცხავთ, გაცილებით დიდი რაოდენობის წყალს ხარჯავთ ვიდრე ჭურჭლის სარეცხი მანქანა.
• ეფექტურობის მთავარი მაჩვენებელია ენერგოეფექტურობის კლასი: A, A+ ან A++. რაც მეტი პლუსია, მით უფრო ეკონომიურია მოდელი.
• ყველა თანამედროვე მოდელს აქვს ეკონომიური რეცხვის პროგრამა გაფართოებული ციკლით და 40º C ტემპერატურით. ეს პროგრამა განკუთვნილია ნაკლებად დაბინძურებული ჭურჭლისთვის.
• ინვერტორული ძრავით ჭურჭლის სარეცხი მანქანები უფრო ეკონომიურია, ვიდრე ჩვეულებრივი მსგავსი მახასიათებლებით. ინვერტორი ხელს უწყობს ელექტრო ენერგიის დაზოგვას 20-30% მდე, გარდა ამისა ის ჩვეულებრივზე მეტ ხანს მოგემსახურებათ.

                   ხმაურის დონე

   45 დბ-მდე ითვლება უხმო მოდელებად, 46-50 დბ-მდე ნორმალურია. ზოგიერთი მწარმოებელი იყენებს  შესაბამის სიტყვებს მშვიდი მოდელების სახელში, მაგალითად Silence. კიდევ ერთი უტყუარი ნიშანი რომ მანქანა უხმოა არის ინვერტერული ძრავი.

   პროგრამები: პრაქტიკა გვიჩვენებს  რომ 5-6 პროგრამა სავსებით საკმარისია.

               სპეციალური პროგრამები:

    თითოეულ ჭურჭლის სარეცხ მანქანას აქვს 4-5 პროგრამის ძირითადი ნაკრები - ინტენსიური ძლიერ დაბინძურებული ჭურჭლისთვის, სტანდარტული, ნახევრად ჩატვირთვის პროგრამა (გარდა კომპაქტური, მაგიდაზე დასადგმელი მოდელებისა), ეკონომიური პროგრამა. არის მოდელები პროგრამების ყველაზე საჭირო მინიმუმით, არის გაუმჯობესებული მოდელები, რომელთაც აქვს 6 ზე მეტი პროგრამა, შემდეგ კი მენიუში  იქნება ორი-სამი სპეციალური დანიშნულების პროგრამა, მაგალითად ასეთები.   

   ავტომატური ან ინტელექტუალური პროგრამა. ზოგადად ყველა პროგრამა ავტომატურია, მაგრამ ესენი უფრო "ჭკვიანია". სხვადასხვა სენსორების გამოყენებით, ისინი თავად განსაზღვრავენ მანქანის დატვირთვის და ჭურჭლის დაბინძურების ხარისხს. მაგალითად, წყლის სისუფთავის სპეციალური სენსორი აკონტროლებს ჭუჭყის ნაწილაკების და საკვების ნარჩენების არსებობას რეცხვის ციკლის დროს, შესაბამისად წყლისა და ელექტროენერგიის მოხმარების ოპტიმიზაციას: მანქანა თავად ირჩევს რა ტემპერატურაზე უნდა გაირეცხოს ჭურჭელი და რამდენი წყალი დაუმატოს ოპტიმალური სისუფთავისთვის. ზოგიერთ შემთხვევაში, ამ ინტელექტუალურ რეჟიმებს შეუძლიათ დაზოგონ 4 ლიტრამდე წყალი ციკლში, რეცხვის ხარისხის შელახვის გარეშე.

   მაღალ ტემპერატურული პროგრამები. არსებობს მრავალი პროგრამა, რომლებშიც რეცხვა მაღალ ტემპერატურაზე ხდება - საბავშვო ჭურჭლის დეზინფექციისთვის, ალერგიის მქონეთათვის, „გაძლიერებული ჰიგიენისთვის“. წყალი თბება 70-75 გრადუსამდე, რაც საშუალებას იძლევა არა მარტო ჩამოირეცხოს მეტი დამაბინძურებლები, არამედ გაანადგუროს მრავალი პათოგენური ბაქტერია. ბავშვებისა და ალერგიით დაავადებულთა კერძებისთვის მნიშვნელოვანია სარეცხი საშუალებების სრული მოცილების კონტროლი, ამიტომ შეიქმნა  წყლის სისუფთავის კონტროლის სენსორის, ეს მხოლოდ ზოგიერთ მოდელშია.

   პროგრამები შერეული ჩატვირთვისთვის. მათი განსხვავებაა ციკლის საშუალო ხანგრძლივობა (2-2,5 საათი) და ტემპერატურა დაახლოებით 60-65 გრადუსი, ის არ აზიანებს მყიფე ჭურჭელს და კარგად რეცხავს ქოთნებს.

   მოკლე პროგრამები. დამატებითი კომფორტია ახლად დაბინძურებული ჭურჭლის 30-35 წუთში გარეცხვის შესაძლებლობა: ეს პროგრამა შეგიძლიათ გამოიყენოთ, მაგალითად, დღესასწაულების და სტუმრების დროს, როდესაც გჭირდებათ თეფშებისა და ჭიქების სწრაფად შეცვლა. კარგია, თუ არსებობს რომელიმე პროგრამის შემცირების ფუნქცია.

   თხელი მინისა და ბროლისთვის. ჩვეულებრივი შუშა უმრავლეს პროგრამაში შესანიშნავად ირეცხება ჭურჭლის სარეცხ მანქანაში, უფრო დელიკატურისთვის კი საჭიროა ცალკე პროგრამა, რბილი ტემპერატურით და ნაზი რეცხვით. სპეციალური პროგრამის არსებობა ასევე არის საუკეთესო შედეგის მიღწევის გარანტი სხვადასხვა ტიპის ჭურჭლისთვის: ამ რეჟიმზე ვდებთ მხოლოდ ჭიქებს, არ ავურიოთ ტაფებში. ჭურჭლის სარეცხი მანქანის გაუმართაობის უმეტესობა გამოწვეულია გადინების ტუმბოში ფრაგმენტების მოხვედრის გამო - ფრთხილად იყავით.

   პლასმასის ჭურჭლისთვის. არის ასეთებიც და მათი არსი არის დაბალტემპერატურული რეჟიმი, რათა პლასტმასმა მავნე ნივთიერებები არ გამოუშვას. ეს პროგრამა უფრო მარკეტინგული ხრიკია. უმჯობესია შეიძინოთ მაღალი ხარისხის პლასტმასის ჭურჭელი, რომლის გაცხელებაც შეიძლება - იხელმძღვანელეთ იმით, არის თუ არა ჭურჭელი მიკროტალღური ღუმელისთვის განკუთვნილი, თუ კი, მაშინ მისი გარეცხვა შესაძლებელია მდუღარე წყლითაც კი.

                                                                       რომელი საშრობი სისტემაა საუკეთესო:

 ყველა ჭურჭლის სარეცხ მანქანას აქვს შრობის ფუნქცია. არსებობს რამდენიმე ფუნდამენტურად განსხვავებული ტიპი და ისინი განსხვავდებიან სიჩქარითა და ეფექტურობით.

   კონდენსაციური გაშრობა-უმარტივესი გზა, რომელიც გვხვდება ძირითად მოდელებში. ციკლის ბოლოს ჭურჭელი ირეცხება ცხელი წყლით და შრება ბუნებრივი გზით, ხდება ტენიანობის კონდენსირება სარეცხი მანქანის ცივ კედლებზე განსხვავებული ტემპერატური გამო. დაგროვილი კონდენსატი თანდათან იშლება სპეციალური ხვრელის მეშვეობით.

• ბუნებრივი პროცესი, რომელიც არ საჭიროებს ტექნიკურ ხრიკებს.
• ის აბსოლუტურად ჩუმად მუშაობს.
• არ მოიხმარს ელექტროენერგიას.

ამრიგად, კონდენსაციით გაშრობა ძალიან ეკონომიურია, მაგრამ მისი მთავარი მინუსი საკმაოდ გრძელი პროცესია.

   ტურბო შრობა- შრობა ცხელი ჰაერის იძულებითი ნაკადით ჩაშენებული ვენტილატორის მეშვეობით. შედეგად, კამერა ივსება ცხელი ჰაერით, რომელიც სწრაფად აშრობს ჭურჭელს.

• სწრაფი და ეფექტური შრობა.
• არ ტოვებს ლაქებს ჭურჭელზე.
• გაშრობის დროს ხმაურის არსებობა.

ეს მეთოდი შესამჩნევად უფრო სწრაფი და ეფექტურია, ვიდრე კონდენსაციით გაშრობა. თუმცა, ტურბო-საშრობი მოდელები უფრო ძვირია და მეტ ელექტროენერგიას მოიხმარენ.

   ცეოლითური გაშრობა -ყველაზე თანამედროვე გზა, რომელიც გამოიყენება პრემიუმ კლასის ჭურჭლის სარეცხ მანქანებში. სპეციალური მინერალები (ცეოლიტები) შეედინება დანადგარის ფსკერზე განცალკევებულ ჭურჭელში, რომელსაც შეუძლია ტენის შთანთქმა და ამავდროულად დამატებითი სითბოს გამოყოფა, რომელიც შემდეგ გადადის მთავარ კამერაში და აჩქარებს გაშრობის პროცესს. არსებითად, ცეოლითური გაშრობა აერთიანებს ყველა უპირატესობას: პროცესის მაღალი სიჩქარე, ეფექტურობა და ეკონომიურობა ზედმეტი ხმაურის გარეშე. უბრალოდ გაითვალისწინეთ, რომ ის, როგორც წესი, გვხვდება ყველაზე ძვირადღირებულ მოდელებში. ასევე არსებობს დამხმარე ფუნქციები გაშრობისთვის.

   კონტროლი: ღილაკით თუ სენსორზე

  თანამედროვე მოდელების აბსოლუტურ უმრავლესობას აქვს ელექტრონული კონტროლი, ხშირად სენსორული, როდესაც ღილაკებისა და პროგრამისტების ნაცვლად გამოიყენება სენსორული ველები. სენსორული პანელი უფრო კომფორტული მოსახმარია: გაწმენდა გაცილებით მარტივია, მაშინ როცა პლასმასის ღილაკებში ჭუჭყი ჯდება ადვილად და რთული გასაწმენდია. როგორც წესი, პროგრამები და ფუნქციები მითითებულია ინტუიციურად გასაგები სიმბოლოებით, ხოლო თუ არის დისპლეი (ძვირადღირებულ მოდელებში), მაშინ ნაწილობრივ სიტყვებით. 

როგორ მოვუაროთ ჭურჭლის სარეცხ მანქანას:

იმისათვის რომ მანქანა ხანგრძლივი ვადით მოგემსახუროთ, საჭიროა მისი სათანადოდ მოვლა. არსებობს მოვლის სამი ოქროს წესი:

• კარის წმენდა შიგნით/გარეთ  -  სასურველია ყოველი მოხმარების შემდეგ უბრალოდ სველი ტილოთი.  ვინაიდან ჭუჭყი გროვდება კარის კიდეებზე, ამან შეიძლება გარკვეული დროის შემდეგ კარის დახურვის შეფერხება გამოიწვიოს.

• ფილტრისა და წყლის  დუშის კვირაში ერთხელ გაწმენდა უბრალო წყლით.  ფილტრი საკმაოდ ფაქიზია, ამიტომ მნიშვნელოვანია მისი გარეცხვა დაუზიანებლად.

• 6 თვის ინტერვალით მანქანისა და მისი კარის  სრული ციკლით რეცხვა სპეციალური სითხით.

ამ სამი წესის დაცვა გარანტიას იძლევა, რომ მანქანა დიდხანს და გამართულად იმუშავებს. ეს ის მინიმალურია, რასაც მოწყობილობა თქვენგან მოითხოვს.

ყველაზე მნიშვნელოვანი კომპონენტი მანქანის მუშაობისათვის არის მარილი  -  წყალი ხისტია, ამიტომ საჭიროა მანქანის სპეციალურ რეზერვუარში ჭურჭლის მანქანისთვის განკუთვნილი მარილის ჩაყრა.  წყლის დაბილება მნიშვნელოვანია, რომ მანქანამ არ გაიკეთოს ნადები და რეცხვის ხარისხი გააუმჯობესოს.