როგორ შევარჩიოთ სარეცხი მანქანა?

თქვენს სამრეცხაო საჭიროებებს მორგებული სარეცხის მანქანის შესარჩევად გთავაზობთ ყურადღების გამახვილებას რამდენიმე ასპექტზე: 

ტევადობა

სარეცხი მანქანის ყიდვისას პირველი ნაბიჯი არის წინასწარი დაგეგმვა თქვენივე მოლოდინების. ამიტომ მნიშვნელოვან კითხვებს უნდა გაცეთ პასუხი: რა დროს უთმობთ რეცხვას? ოჯახის წევრების რაოდენობა ? (ოჯახის წევრების რაოდენობის განსაზღვრა მოგცემთ საშუალებას გათვალოთ რა მოცულობის სარეცხის მანქანა გნებავთ) სარეცხის მანქანა და საშრობი მანქანის კომბინაცია გჭირდებათ თუ მხოლოდ სარეცხი  მანქანა გნებავთ?

ზომა

შემდეგი მნიშვნელოვანი ეტაპია განსაზღვროთ სად გსურთ მანქანის დადგმა, რამდენად დიდი ან/და პატარა ადგილი გაქვთ გამოყოფილი მისთვის.  მნიშვნელოვანია გაითვალისწინოთ მანქანის ზომა, რომ სწორედ მოარგოთ ბინის გარემოს. ასევე გათვალოთ თუ როგორი ჩატვირთვის მანქანა გნებავთ.  

ჩატვირთვის ტიპი

არსებობს ჩატვირთვის ორი ტიპი: ზედა და წინა ჩატვირთვა. ზედა ჩატვირთვა დაგეხმარებათ თქვენი გარემოს სივრცითი დაზოგვით უფრო პატარა ფართის ათვისებას.  ხოლო წინა ჩატვირთვა შეიძლება იყოს როგორც სტანდარტული ასევე დამატებითი კარითაც რომ შეძლეთ უკვე ჩართული რეჟიმის დროს ტანსაცმლის დამატება.

რეცხვის რეჟიმები

იმის გამო, რომ ჩვენ სხვადასხვა სეზონზე ვიცვამთ სხვადასხვა ტიპის ტანსაცმელს და ვცხოვრობთ სხვადასხვა კლიმატურ რეგიონებში, საჭიროა მრავალი სარეცხი პროგრამა. ეს არის ერთ-ერთი მნიშვნელოვანი მახასიათებელი, რომელიც ნებისმიერმა უნდა გაითვალისწინოს სარეცხი მანქანის ყიდვისას. ძირითადი საყურადღებო პროგრამებია: სწრაფი რეცხვის რეჟიმი; შალის, ბამბის ქსოვილის რეცხვის რეჟიმი, დელიკატური რეცხვა და სხვა.. რეჟიმებთან ერთად არ დაგვავიწყდეს, რომ მანქანას ქონდეს ე.წ ბავშვის დაცვის რეჟიმი (childlock). ბავშვის გაუცნობიერებულმა ქმედებებმა არ გამოიწვიოს მუშაობის პროცესში რეჟიმის გადართვა ან/და გამორთვა, რასაც შესაძლოა მოყვეს მისი დამაზიანებელი ქმედებები.

ძრავი

ინვერტორული სარეცხი მანქანები სულ უფრო პოპულარული ხდება, რადგან მათ აქვთ ციფრული ტექნოლოგია, რომელიც დაზოგავს ელექტროენერგიას.

მთავარი განსხვავება ინვერტორულ სარეცხ მანქანასა და არაინვერტორულ მანქანას შორის არის ის, რომ პირველი აძლევს მანქანას ოპტიმალური სიჩქარით მუშაობის უფლებას იმის მიხედვით, თუ რამდენი ჩაიტვირთება მანქანაში.

ციფრული ინვერტორული ტექნოლოგია იყენებს ძლიერ მაგნიტებს, რომლებიც ამცირებს ხახუნს ძრავში. ნაკლები ხახუნის გამო თქვენი სარეცხი მანქანა უფრო მშვიდად და შეუფერხებლად მუშაობს.

ბევრი ადამიანისთვის სარეცხი მანქანის არჩევის ერთ-ერთი მნიშვნელოვანი ფაქტორი შეიძლება იყოს სიჩუმე, რადგან მათ არ აქვთ ადგილი სამრეცხაოსთვის და უწევთ მისი  განთავსება სამზარეულოში ან საძინებლების მახლობლად. ამ სიჩუმეს კი ინვერტორული ძრავი უზრუნველყოფს.

და ბოლოს, ერთი-ერთი მნიშვნელოვანი საკითხი:

სარეცხი მანქანის რეგულარული მოვლა დაგეხმარებათ თავიდან აიცილოთ ობის, ჭუჭყისა და ნალექის დაგროვება, რაც შეიძლება საზიანო იყოს თქვენი ჯანმრთელობისთვისა და ტანსაცმლისთვის, ასევე გამოიწვიოს უსიამოვნო სუნი. ამისათვის კი, აუცილებელია მანქანის კართან რეზინის პერიოდული წმენდა, დოლურაში ნადებ-საწინააღმდეგო საშუალებების გამოყენება.